Ballade Champenoise

Ne rose, ne flor de lis , (41)

Ne rose, ne flor de lis , (41)

Ne rose, ne flor de lis ,
Ne des oisiauls li chans,
Ne douls mai, ne avris ,
Ne rossignor jolis,
Ne me fait si joiant
Ne pensis,
Com bons Amors signoris:
Que d’Amours viennent mi chant
Et mi plor.
Et d’autre labor
Ne sert mes cuers nuit et jor.

Si doucement m’a conquis
Ma Dame en esgardant,
Que tant com soie vis.
Ne serai fors amis.
Morir en atendant,
Ce m’est vis
Me seroit honors et pris:
Qu’en amor
N’a nulle si haute honor
A fin ameor,
Com por li soffrir dolor.

Dame d’onor et de pris,
Com seroit bien séant
Qu’en vostre simple vis,
De grant biauté espris,
Trovasse un douls semblant
Et un riz,
Qui fust semblant à mercis!
Car d’amour
N’en ai-je , fors que j’aour
Des dames la flor
Et de biaulté mireor.

Dame, quant del douls pais
Me verrois torner plorant,
Pri vos, Belle gentis ,
Que de vos soie fis
D’un — à Deu vos commant,
Biaus amis. »
Lors aurai tout à devis
Bone amor.
Ne créez losengeor,
Ne faus trichéor;
Tant en i vaigne des lor.

 

 

Laisser un Commentaire

commentaires

Laisser un commentaire